Transcription
1
Monsieur, j’ay receu votre lettre et ay entendu par le cappitaine Bur, porteur d’icelle,
2
que voz compagnies doibvent arriver aujourd’huy à Briançon, au moings
3
une partie, n’estans encores touttes ensemble. Sur quoy, je luy ay dict
4
comme je vous veulx faire par la présente, que je trouve plus à propoz
5
et est quasi nécessaire que vous séjournez plus tost là ung jour
6
davantage, pour venir ung et tout en une trouppe que de vous
7
avancer dudit jour et venir à la fille ne à deux fois. Car, selon
8
que j’ay advisé de départir vosdites compagnies par les garnisons, il
9
fauldra que trois aillent à Carmagnolles et puis l’une d’icelles de là
10
à Savillan, esquelz lieux elles ne peuvent aller sans passer sur
11
les terres de monsieur le duc de Savoye où il ne fault qu’elles
12
séjournent ne aillent à la fille, sinon en trouppe et tout à ung coup,
13
et la quatriesme demourra à Pinerol. Partant, vous y adviserez
14
s’il vous plaist, tant qu’on ne vienne à ses difficultez et ordonnerez
15
les deux qui yront à Carmagnolles, celle à Savillan et celle à Pinerol,
16
affin que, trouvant le commissaire que je vous envoyeray, chascun sache
17
où il aura à aller. Et pource que entrans vosdites compagnies sur ce
18
gouvernement, il fauldra qu’elles commancent à payer ce qu’elles prendront
19
de gré à gré, suyvant l’intention du roy ; j’envoyeray ung trésorier
20
avec ledit commissaire à La Pérouze, qui vous ira trouver au Villairet,
21
qui est le dernier lieu du Daulphiné, luy donnant advis pour vous
22
délivrer de l’argent pour leur bailler à chacun à cest effect, lequel
23
leur sera toutesfois rabattu et précompté sur leur payement
24
[v°] de la montre que je leur envoyeray faire ung jour ou deux après
25
estre arrivez en leurs garnisons et logez qu’ilz seront. Et me
26
recommandant sur ce à votre bonne grâce, je feray fin, priant Dieu
27
Monsieur, qu’il vous doint en santé bonne et longue vie.
28
De Saluces, le XIXe juillet 1572, de
29
Votre meilleur amy prest à vous faire service
30
Lodovico Birago